Innisfree 初體驗 + 中文初嘗試

我未用過中文打blog 的, 但係入鄉隨俗, 突然想試一試, 咁就試下啦~
番咗嚟香港之後, 有機會可以接觸下一些亞洲品牌, 當然如果你有留意, 都會知道韓風又番黎喇!!! 真係唔講得笑, 0個日0係旺角街頭見到Etude House 同埋Innisfree 0既專門店, 真係好心動!! 於是我就去到訪一下Innisfree 喇~

其實我之所以想去Innisfree, 係因為我想睇下佢個火山泥面膜。 我而家正在努力清貨, 所以我都唔可以太瘋狂, 咩都買番去試, 咁啱我又真係差不多用完我個泥膜, 而且又見都好幾個人推介呢個產品, 所以我先至買呢個番黎用架!

Innisfree Super volcanic pore clay mask
(around $120 HKD)

佢有兩個版本的, 但係因為我自己皮膚好容易生暗瘡, 亦都比較容易出油, 所以一買就決定買個Super 版本, 怕普通版不夠力 (你知香港空氣質素幾差架啦, 真係出一出街都覺得自己塊臉唔要得咁)。 0係舖頭入面仲試了幾個東西上手, oh no! 我心動了....... 此後, 我當然忍唔住去了幾次 Innisfree, 買了幾個東東番黎啦~ 其實我真係冇失控, 非常理性, 真係諗清楚, 行了幾次都仲想買先至買架。(下刪一百字的籍口喇......-.-)

其他入手東西: 
Innisfree Real Skin CC Cream SPF30 PA++ (40ml) ($180 HKD)
Innisfree Green tea mineral mist (50ml) (alcohol-free) ($40 HKD)
Innisfree Eco Beauty Tool Premium 100% cotton pads ($20 HKD)


我不嬲唔中意BB cream, 所以本來而家出0既CC cream 我都冇咩興趣試, 不過0個日0係Innisfree 度試了佢地個CC cream 上手, 咦, 又真係唔同野0黎架喎~ 而且好似試在手上沒有點樣泛白 (我最怕BB cream 的其中一個原因就係多數都太過白喇), 於是就想買來玩下, 當防曬用都好似幾好咁。剛好我帶出街噴瞼的水也已經用完, 我之前是用緊Caudalie 的, 但真係幾貴, 而且我好似上癮佢隻味咁(好refreshing!), 實在用得太快, Innisfree 呢個唔太貴, 而且我睇中佢係無酒精, 用得安心又唔使咁肉赤啦~ 最後就係cotton pad, 我一直的最愛就係Shiseido, 但係我番黎之後就仲未去Shiseido 睇下有冇得賣, 而且亦都係比較貴, 所以我就想尋找一下有冇alternatives. 呢個cotton pad 我覺得都似Shiseido 那個的, 所以就要買番黎試下喇!

贈品: 
Innisfree Soybean energy essence 
Innisfree The Green Tea seed serum wet tissues 
Innisfree Olive real cleansing tissue 

最後最後, 我最開心0既一件事係, 佢地送緊呢個soybean essence! 因為其實我最想最想買0既係佢! 之前見到大佬B 都讚佢夠濃, 我自己0係舖頭入面試了後都好心動! 而家可以再試真D 了!! (p.s. 結果係我番屋企試了後仍然好想入手!!!)

我好相信, 我會再買Innisfree 0既野, 等我試真D 以上東西再同大家分享啦~